குற்றப் பரம்பரை.. ஒரு சாதியல் புத்தகம் என்றால் ஆம் இது அதுதான்... ஒரு வீரனை பற்றிய பொத்தகம் என்றால் ஆம் அதுதான்... இரண்டு பிரிவினரை பற்றிய பொத்தகமென்றால் அதுவும் தான்... இப்புடி பலகோணங்களில் படிக்கும் பொழுதே சிந்திக்கவும் நகர்த்தவும் செய்யும் வல்லமை தோழர். வேல ராமமூர்த்தி அவர்களுக்கு மிக இலகுவாக அமைந்திருக்கிறது... ஒரு சாதி வன்மத்தை எதிர்த்து மனதில் பதியும் வேயன்னாஇன்னொரு சாதி வன்மத்தாலே மரணிக்கிறார்.. எதை புரிந்துகொள்ள தேடவேண்டும் சாதியத்தையா, காதலையா, தந்தை மகன் பாசத்தையா.. துரோகத்தையா... ஆங்கிலேயரின் பிரித்தாலும் சூழ்ச்சியையா... அந்த ஆங்கிலேயனுக்குள்ளும் சில நல்லோர் இருந்திருப்பர் என்ற புரிதலையா... முழுமையாய் படித்தும் இன்னும் மனதில் நீங்காமல் ஒட்டிக்கொண்டிருக்கிறது வையத்துறையின் பாசம்...
இந்த கதையில் எந்த பெயரும் வெறுமனே கடந்து செல்லும் பாத்திரங்கள் அல்ல.. ஒவ்வொருவரும் ஒரு கதை தாங்கி.. கதையை வழிநடத்தும் தேவையான தூண்களாகவே வருகின்றனர் என்பது கூடுதல் தகவல்... ஒவ்வொர் முறையும் வேயன்னா ஏன்னும் பாத்திரம் என் கற்பனையில் வேல ராமமூர்த்தியாகாவே தோன்றியது எனக்கு மட்டும்தானா என்று படித்தவர்கள் சொல்லுங்கள்...
குற்ற பரம்பரை... சிலுவையில் பிறர் பாவங்களுக்காய் தொங்கிய இயேசு
பொத்தக பெயர்- குற்ற பரம்பரை
எழுத்து - ஐயா வேல ராமமூர்த்தி
பதிப்பகத்தார்- Discovery Book Palace
விலை- 400
பக்கங்கள்- 448
No comments:
Post a Comment