நோயினைக் கொண்டாடுவோம்

#NaanVijay

#நான்விஜய்

#நம்மாழ்வார்

புத்தகம் : 1

2024 புத்தாண்டில் பின்பற்ற பலா விஷயங்களை நீங்கள் தெரிவு செய்திருந்தாலும் இந்த சிறிய புத்தகத்தையும் ஒருமுறை படித்துவிடுங்கள்

ஒரு நோய் நமக்கு எதற்கு வருகிறது என்பதற்க்கான அடிப்படை புரிதல் இருந்தால் மட்டுமே அதற்க்கான தீர்வை கண்டுபிடிக்க முடியும், அதைத்தான் வள்ளுவர் நோய் முதல் நாடி என்கிறார்.. அதாவது அதன் அடியை வேறை கண்டுபிடிக்க வேண்டும் பின்புதான் அதற்க்கான தீர்வு கிடைக்கும்..

பெரும்பாலும் நமக்கு வரும் எந்த நோய்க்கும் மருந்து அவசியம் இல்லை, அதன் பணியை செய்ய அமைதியாக காத்திருந்தாலே போதுமானது.. ஏனெனில் நாம் நோய் என்று நினைக்கும் பல விஷயங்கள் உண்மையில் நம் உடலை சீர் செய்து கொண்டிருக்கிறது, ஜுரம் ஏன் வருகிறது என்று கவனித்தால் அது உடலை காலநிலை மாற்றத்திற்கு ஏற்ப மாற்றி கொண்டிருக்கிறது என்பது நமக்கு புரியும்.. அதை தடுக்கும் பொழுது தான் உண்மையில் நமக்கு பெரும் பிரச்சனை வரும்.. இதைத்தான் இந்த சிறிய புத்தகத்தின் மூலம் நம்மாழ்வார் ஐயா நமக்கு கடத்த முயற்சிக்கிறார்.

புத்தகம் : நோயினைக் கொண்டாடுவோம்

ஆசிரியர் : கோ. நம்மாழ்வார்

பதிப்பகம் : தன்னறம்

பக்கங்கள் : 25

விலை : 20

பார்க்கிங் திரைப்படம்

#NaanVijay

#movies

#parking

கடைசியா தோனி தயாரிப்பில் ஹரிஷ் நடித்திருந்த திரைப்படம் LGM எனக்கு பெரிதாக விருப்பமில்லை, இருந்தாலும் ஹரிஷ் கதை தேர்வின் மீது எனக்கு ஒரு நம்பிக்கை உண்டு, என்னை பொறுத்தவரையில் இளம் தலைமுறை நடிகர்களில் சிறந்த கதை தேர்வு செய்யும் நடிகர்கள் ஹரிஷ் மற்றும் மணிகண்டன், இருவரும் தனக்கு எதில் சிறந்த பங்கு கொடுக்க முடியும் என்பதில் ஒரு அளவுக்கு தெளிவோடே இருக்கிறார்கள் என்றே தோன்றியது..

பல வீடுகளில் இருக்கும் சிறு பிரச்சனை தான் பார்க்கிங்.. ஒரே வீட்டில் கீழ் மட்டும் மேல் தளங்களில் வசிக்கும் இருவருகிடையில் ஏற்படும் பார்க்கிங் பிரச்சனை தான் இந்த படம், இன்னொரு வகையில் சொல்ல போனால், 60+ மற்றும் 25+ இடையில் இருக்கும் ஈகோ பிரச்சனை இந்த படம், அந்த ஈகோ வெளியில் அப்பட்டாமாக தெரிய பார்க்கிங் ஒரு சின்ன காரணம் மட்டுமே...

Spoiler alert

முதல் நாள் நாயகன் மேல் வீட்டிற்கு குடிவந்ததில் இருந்தே அவரைபற்றிய பெருமையை தனது வீட்டில் இருப்பவர்கள் பாட துவங்குவதில் இருந்து தொடங்குகிறது இந்த பிரச்சனை, தன்னால் தான் எல்லாம் நடக்கிறது, என்ற கர்வமுடைய ஒருவர் முன் அவரால் தான் அந்த குடும்பம் அழகாக இருக்கிறது என்று சொல்லும் போதே இவரின் ஈகோ வெளிப்பட துவங்குகிறது, இருப்பினும் எந்த முகாந்திரமும் இல்லாமல் அதை வெளியில் காட்டவும் முடியாமல் பிறர் மீது எரிந்து விழும் குணம் ஒருநாள் அதை தீர்த்துக்கொள்ள ஒரு சிறிய காரணத்தை பிடித்து கொள்கிறது, அதுதான் பார்க்கிங்...

பாஸ்கர் அவர்கள் கொஞ்சம் கொஞ்சமாக அந்த ஈகோவில் தன்னை பொறுத்திக்கொண்டு குணமாற்றம் அடைவதை நடிப்பில் மிக தெளிவாக காட்டுகிறார்.. அவரின் அந்த நடிப்புதான் இந்த படத்தை சரியான எமோஷனல் ட்ராமாவாக மாற்றுகிறது, அவர்க்கு எதிரில் நின்று அந்த எமோஷனல் moment தாங்கி நிற்பதற்கே ஹரிஷை பாராட்ட வேண்டும், இரு துருவங்களும் அந்த கதாபத்திரத்தில் சரியாக பொருந்தும் போது படம் தன்னை தானாகவே காப்பாற்றிக்கொள்ள தயாராகி கொள்கிறது..

இயக்குனரின் எழுத்தை பார்ட்டியே ஆகவேண்டும், ஒரு சின்ன விஷயத்திற்குள் ஒரு ஆழமான psychology வகுப்பெடுத்திருக்கிறார், இருவரும் கெட்டவர்கள் இல்லை, இருவரும் நல்லவர்களும் இல்லை, இருவரும் சூழலில் தங்கள் மனம் போன போக்கில் தன்னை சுற்றி இருப்பவர்கள், ஏன் தங்கள் நிம்மதி பற்றி கூட கவலைபடாமல் எடுக்கின்ற முடிவுகளால், பல மோசமான விளைவுகளை சந்திக்கின்றனர்.. இந்த மன நிலையை தனது தெளிவான எழுதுகல்லாலும், நேர்த்தியான காட்சி அமைப்பாலும் நமக்கு தெளிவாக கடத்துகிறார்.. இதுவே மிக முக்கியமானது.. அதே போல ஒரே கதையில் பயணிக்கிறார்.. எந்த பக்கமும் படம் திசை திரும்பவில்லை, காதல், கல்யாண போராட்டம், குழந்தை சிக்கல் இப்படி பல விஷயங்களை கொண்டு ஒரு இடியப்ப சிக்கல் திரைக்கதை அமைக்க வாய்ப்பிருந்தும், சொல்லவந்த கதையில் மட்டும் கவனம் செலுத்தியது நம்மையும் அந்த கதையில் மட்டும் கவனம் செலுத்த உதவுகிறது...

ஹரிஷ் கல்யான், பாஸ்கர் இவர்களை தாண்டி பாஸ்கர் அவர்களின் மனைவியாக நடித்தவரும் ஒரு இடத்தில்  கணவனை திட்டுவது, ஒரு இடத்தில் கணவனுக்காக திட்டுவது, தன் மகள் விஷயத்தில் பாஸ்கரின் தவறான முடிவை சுட்டிக்காட்டுவது, தன் மகளை கொண்டு நடத்தப்பட்ட நாடகத்தை நிறுத்த தன் சொந்த தம்பியையே விரட்டுவது என்று ஒரு சரியான மனைவி அம்மா கதாபாத்திரதை நடத்தி இருக்கிறார்.. ஹிந்துஜா ஒரு வழக்கமான மனைவியாவே தெரிகிறார்.. இன்னும் கூட கொஞ்சம் காட்சிகள் கொடுத்திருக்கலாமோ என்று தோன்றினாலும், அது ஒருவேளை திரைக்கதையை தொய்வில் கொண்டுபோய் இருக்கலாம் என்கிற இயக்குனரின் யோசனையாக இருக்கும் என்றே தோன்றுகிறது..

மொத்தத்தில் மனங்களின் பிரச்சனைகளை பேசும் பார்க்கிங் இந்த வருடத்தின் இன்னுமொரு முக்கிய படம்

#திரைப்படம் : பார்க்கிங்

House of Secretes Documentary

#NaanVijay

#Netflix

#DocumentarySeries

2018ல் டெல்லியில் ஒரு குடும்பத்தை சேர்ந்த 11பேர் தூக்கில் தொங்கி இறந்திருகின்றனர், மொத்த ஊரும் ஷாக், என்ன நடந்திருக்கும், இது கொலையா, தற்கொலையா என்று பல கேள்விகள் உலாவர தொடங்குகிறது இந்த டாக்குமெண்டரி...

பலகட்ட விசாரணைகள் சோதனைகளுக்கு பிறகு இந்த வழக்கையே திருப்பி போடும் படி சில புத்தகங்கள் கிடைக்கிறது, அது அந்த குடும்பம் தொடர்ந்து 11வருடங்கள் எழுதி கொண்டிருந்த புத்தகம், அதுதான் இந்த கதையை தலைகீழாக திருப்பி போடுகிறது, அந்த புத்தகத்தில் இந்த குடும்பத்தில் உள்ள ஒவ்வொருவரும் என்னென்ன செய்ய வேண்டும் செய்யக்கூடாது என்று அந்த புத்தகத்தில் இருக்கிறது, அதன்படி தான் அவர்கள் வாழ்கிறார்கள், வாழ்ந்தார்கள், மரணித்தும் போனார்கள், ஆம் அவர்கள் மரணத்திற்கு முன்பு வரை நடந்த அனைத்தும் அந்த டைரியில் எழுதிய படியே நடந்திருக்கிறது...

லலித் என்னும் அந்த வீட்டின் மூத்த மகன் தான் இதற்கு பின்னாளில் இருந்த psycho.. 2007ல் அவன் அப்பா இறந்த சில நாட்களில் அவன் அப்பா தன்னிடம் பேசுவதாக நம்ப தொடங்கியவன், பின்னாளில் தன் மூலமாக தன் குடும்பத்திடம் பேச ஆரம்பித்ததாக நம்பவும் வைத்திருக்கிறான், அவன் மூலமாக அவன் அப்பா பேசுவதை அந்த குடும்பம் நம்ப தொடங்கியதற்கு காரணமும் இருந்திருக்கிறது, அவன் அப்பா சொன்னதாக சொல்லப்பட்ட சில விஷயங்கள் நடக்கவும், அதன் மூலம் தங்கள் குடும்பம் செழிப்பாக மாறுவதாகவும் உணர்ந்ததால் வந்த வினை தான் இந்த கொடூர மரணங்கள்..

சில வருடங்களுக்கு முன்பு லலித் ஒரு விபத்தில் சிக்க அதில் இருந்து மீண்டும் வரும் போது மெண்டல் trauma வால் குரலை இழக்கிறார் அப்போதே அவரை மனநல மருத்துவரிடம் அழைத்து செல்ல மருத்துவர்கள் அறிவுறுத்தியும் செய்யாத குடும்பம் விளைவு தொடர்ந்து தந்தையின் மரணம், பின்பு தன்னையே தன் தந்தையின் வடிவமாக நினைக்க தொடங்க, சந்திரமுகி படத்தில் வருவதை போல அவ சந்திரமுகி அறைக்கு போனா சந்திரமுகியா தன்னை நெனச்சுக்கிட்டா சந்திரமுகியாவே மாறிட்டான்..

ஒரு psycho கூட்டிட்டு வந்து அவன் சொன்ன rituals பண்ணிக்கிட்டு கடைசியா அவன் சொன்னான்னு குடும்பமே தூக்குல தொங்கி இருக்கு... இதுக்கு முன்னாடி யாகம்ல பண்ணி கடவுள் கிளைமாக்ஸ்ல வந்து நொட்டுவாருன்னு நம்பி இருந்துருக்கானுங்க.. மூடநம்பிக்கையோட உச்சம் இது.. ஒருத்தனுக்கு மனநிலைமை சரி இல்லைனு சொல்லும் போதே மருத்துவரை பாத்திருந்தா இவ்வளவு பிரச்சனை வந்திருக்காது, மனநல மருத்துவரை பார்த்தாலே அவன் பைத்தியக்காரனு நம்புற பொது புத்தியால வந்த வினைதான் இந்த மரணங்கள்.

இதில் கொடுமை என்னனா 14வயது குழந்தை உட்பட, ஒரு மாஸ்டர் டிகிரி படிச்ச பொண்ணு இப்புடி பல சமூகத்தால அறிவாளிகளா அடையாளம் காணப்பட்டவர்கள் இந்த குடும்பத்தில் இருந்ததுதான்.. இது மிகப்பெரிய முரண்..

பகுத்தறிவு என்பது படிப்பதால் வரதில்லை என்பதற்கு இந்த சம்பவம் ஒரு உதாரணம்

#Webseries : House of Secrets

#OTT : Netflix

Language : Tamil Audio available