The Boy Who Harnesses The Wind

#TheBoyWhoHarnessedTheWind

#africanmovies #WilliamKamk #Netflix 

#chiwetelEjiofor

#NaanVijay 

ஒரு வாழும் மனிதனை பற்றி எடுக்கப்படும் ஒரு திரைப்படம் அதுவும் ஆப்பிரிக்கா நாட்டில் ஒரு பழங்குடியினர் பின்னனியில் என்றால் நாம் என்ன எதிர்பார்ப்போம் ஒரு கம்யூனிஸ்ட் சித்தாந்தங்களை, அல்லது ஒரு ஒடுக்கப்பட்ட சமூகத்தின் வலியை, அல்லது ஒரு அழிக்கப்பட்ட இனத்தின் கோரத்தை, ஆனால் இந்த படம் அப்படிப்பட்டது அல்ல, இது நம்பிக்கையை விதைக்கிறது... என்னால் முடியும் போது உன்னாலும் முடியும் என்று கட்டியம் கூறுகிறது..

இது ஒரு உண்மை சம்பவத்தின் தழுவல் இன்றும் நம்மிடையே வாழ்ந்து கொண்டிருக்கும் இளைஞனின் பதின்பருவ சாதனை...

Spoiler alert

ஒரு சிறுவன் ஒரு குட்டி கிராமத்தில், மின்சாரம் கூட இல்லாத ஒரு கிராமத்தில் படிக்கிறான் ஆம் வாழ்கிறான் என்பதை விட படிக்கிறான் என்று சொல்வதே மேல், அவன் கண்முன்னே ஒரு கடும் பஞ்சம் கோரதாண்டவம் ஆடுகிறது, மனிதர்கள் ஒருவரை ஒருவர் அடித்து கொள்வதை பார்க்கிறான், தன் வீட்டில் ஒருவன் உணவு தானியத்தை திருடி செல்வதை அறிகிறான், அரசு உதவி தங்களை எட்டவில்லை என்பதை புரிந்து கொள்கிறான், பின்பு அந்த கிராமத்தின் தலையெழுத்தை மாற்றுக்கிறான் இதுதான் கதை, இது எப்படி நடந்தது என்பதை படம் பார்த்து தெரிந்து கொள்ளுங்கள்

இன்று சமூக வலைத்தளத்தில் ஒரு கடுமையான வாக்குவாதம் நடந்திருப்பதை காண்கிறோம், படிப்பு அவசியமா இல்லையா, இந்த படம் அதற்க்கான பதிலை தருகிறது, படிக்க பள்ளிக்கு சென்ற ஒரு சிறுவன் தன் ஊரின் வாழ்வியலை மாற்றி தருகிறான், அரசு கைவிட்ட, அந்த ஊர் பெரியவர்களால் முடியாமல் திணறி கொண்டிருந்த போது ஒரு பதின்பருவ சிறுவன் அந்த நிலைக்கு விடை அளிக்கிறான், பின்னர் அவனுக்கு இன்னொரு பள்ளியில் படிக்க வாய்ப்பு வரும்போது அவன் செல்லாமல் விவசாயம் செய்கிறேன் என்று சொல்லு போது அவன் தந்தை நீ படி, நீ படிச்சா இங்க எல்லாம் சரியா நடக்கும்னு சொல்றாரு, படிப்பு தரும் நம்பிக்கையை உலகில் வேறு எதனாலும் தர முடியாது..

இந்த திரைப்படத்தின் இயக்குனர் தான் இந்த படத்தில் சிறுவனின் தந்தையாக நடித்திருப்பார், அதிலும் இது அவருக்கு இயக்குனராக முதல் படம் என்பது ஆச்சரியத்தின் உச்சம், அத்தனை அழகான திரைக்கதை அமைப்பு முதலில் அந்த உலகத்தில் நம்மை பொருத்தி, பின்பு அவர்களின் வலிகளை கொஞ்சம் கொஞ்சமாக நமக்கு கடத்தி கடைசியில் அந்த சிறுவன் ஜெயித்த பிறகு அவனை அவன் அப்போ ஒரு பார்வை பார்ப்பார், அதே பார்வையில் நம்மையும் அவனையும் பார்க்க வைத்திடுவார், வெய்யிலை இவ்வளவு இதமாக காட்சி படுத்த முடியுமா என்று தெரியவில்லை, அதே போல மழைக்கு கோரமுகம் கொடுத்து அதன் வெள்ளத்தின் ஆற்றமையும் புரியவைக்கிறார், வெறுமனே ஒரு பெரிய கார்பொரேட் கம்பெனி காட்டி இதுதான் எல்லாத்துக்கும் காரணம் என்கிற இந்திய சினிமாவின் கதையாடலாக இருந்திடுமோ என்று நினைக்கும் போது, இவர் சரியான அரசியலை நோக்கி இந்த படத்தை நகர்த்தி இருக்கிறார்..

மொத்தத்தில் புழுதி காற்றில் ஒரு விஞ்ஞானி பிறந்த கதைதான் இந்த திரைப்படம்...

Movie : The Boy Who Harnessed the Wind

Language : English

OTT: Netflix

#நான்விஜய்